Nun Awmze Nei - Vanlalchhanhima

    Nun Awmze Nei - Vanlalchhanhima

    Mizo tawnga ziak essay kan neih hmasa ber chu “Thlirtu” tih a ni a, ‘September’ tih thumalin a intan a. Favang khaw thiang leh nuam tak intanna thla chu a mawi bik zia te ziah lan a ni. Chu September thla chu kan lo chuang kai ve leh ta der mai. Kum 2024-a ni 245 chu kan lo hmang ral ta!

 

>>>Titan watch for men<<<>>>Titan watch for men<<<>>>Titan watch for men<<<>>>Titan watch for men<<<>>>Titan watch for men<<<>>>Titan watch for men<<<
 

    Tum bul fuk leh ruahmanna fel fai tak i siam thin em? Miin a nun uluk taka a hman loh chuan hun hi a liam zung zung a, hmaih palh a nei rem rum thin a, ‘hunin tumah a nghak ngai silo’. He thuziak chhiartu te hi lungleng tawh thin vek kan nih ka ring. Inchhir thin te, ‘hun her let leh theih ni se’ tih chang nei tawh vek
te kan nih ka ring. Hun kal tawh chu kan ko kir thei lo a, a liam tawh chu kan au let thei lo, nimahsela kan hma lam hun erawh kan kuta awm reng a ni. Leia kan chen chhungin kawng dik zawh nan tlai luat a awm lo ve. Mi ropui tak tak zingah hian an damchhung hun chanve ai tam an hman ral hnua inhmuchhuaka hlawhtling ta te an awm nual mai. America President 43-na George W. Bush pawh kha hun rei fe chu nawmsip bawlna lamah a tlan ve a, ruihtheihthil te pawh a ti nasa thin hle. Nimahsela, Kum 40 a nihin Billy Graham nen an intawng a, Kristian tha tak ni tawh turin thu a tiam a, a thian te ti mangang khawpa rui-thle thin kha America President 43-na a lo ni thei nia. Ziaktu lar tak leh Kristian rinna vawnhim lama thawhhlawk tak C.S Lewis pawh kha Pathian awm ring lo thin tu a ni.
    Mizo essayist hmasa ber chuan “Kan dam rei leh rei loh te hi kum te, thla te hian a hril lo ve, kan thu leh kan thil tihin a hril ber zawk a ni” tiin a essay ziah hmasa berah khan a lo ziak lang tawh  a. ‘Nun awmze nei’ (meaningful life) hi a rei leh rei lohin a lo teh hauh lo.