BIAK IN BUL LEH A VELA AWMDAN MAWI
- B.Vanlalvawna
Luka 19:45 – Tin, Pathian biak inah chuan a va lut a, englo zuartute chu a hnawtchhuak ta a; an hnenah "Ka in chu tawngtaina in a ni ang' tih ziak a ni ; nangni erawh chuan suamhmangte pukah in siam zawk hi". Kristian sakhaw vuantute tana hmun thianghlim leh zahawm ber chu Biak in hi a ni ti ila kan sawisual awm lo e. Mahni inah emaw hmun dangah emaw pawh inkhawm leh tawngtai hi a tih theihnain Biak in ngeia inkhawm a tawngtai hi kan ngai thupui bik nite pawh hian a lang a ni. Vawiina helai a lo kalkhawmte hi chu awmdan mawi hre sa vek kan ni ang a, amaherawhchu a zawm kawngah chuan induhkhawp lohna lai kan nei fur awm e. Kan thil sawiturte hi a hlawhtlinna hmuh kan duh anih chuan thu kan awih a ngai a, thuawihna hi a rau em em a, thuawih nun hi tlawmna nun a ni tih kan hriat tel a pawimawh hle bawk.
Kan awmdan/chetzia insiamrem a, kan awmna hmun mila awmdan mawi lehzual zawk a kan awm dawn anih chuan kan awmna hmun kan hriatchian hmasak phawt a ngai thin a ni. Zalen taka mahni ina kan awm ang hian midang inah emaw kan awm a mawi lo a, midang inah chuan kan awmdan leh chetzia kan uluk a, duh duh danin kan awm ngai lo a ni, chutiang zelin kan hnathawnna hmunah te, pawl anga kan inhmuhkhawna hmunahte pawh a ni a. Kan awmna hmun a zira kan insiamrem (Adjust) thiam a pawimawh em em a, thenawmte ina kan awmdan angin mahni inah awmta tlat mai ila a atthlak viau zawk awm e. Heti hian kan awmna hmun hian kan awmdan leh chetzia a hril thui theih zia a lang chiang hle a ni.
Tuna kan sawi tur ber Biak in chhung, a bul leh a velah hian kan awmdan hi kan uluk a ngai lehzual em em a ni. Sakhaw dang be tute mahin an Biak in an zah ziate hi kan hmu fo tawh ang a, an pathian an biak dan te pawh TV ah leh internet kaltangin kan hmu theuh tawh awm e. Sakhaw thenkhat chuan pheikhawk pawh bun loin an biak in chhungah an lut thin, thingthi leh bawkkhup chungin an tawngtai thin bawk a ni. Heng sakhaw dang chezia te hi rilrua dah chungin keini Biak in chhunga kan awmdan hi han ngaihtuah leh ta i la, an Pathian an va zah bik ve aw tih maite pawh a awl viau awm e.
Biak in kawtlai leha hungchhung a awmdan: Biak in chhung ni lo a kawtlai a kan awmdan hian Biak in kan zah leh zah loh pawh hi a hril thui viau awm e. Biak in huam chhungah zuk leh hmuam tih loh tur tihte pawh kan hriathnu vek mahnise kan inhrilh nawn fo a la ngai. Mi tling lo te te kalkhawm kan ni a, Biak in huamchhungah mi thenkhat zukleh hmuam lo ti an awm anih pawhin ti ve lo ngam i la ava lawmawm dawn em. Midang chaklohna/\hat lohna lai kan hriat leh mahni chak lohna lai leh kan insum theih lohna lai hi a inang chuan rilru tha lem lo put a awl. Henghi kan neih chuan nangpawh eng nge i nih bik, a ni pawn chuti chuan a tia ka ti ve a ni mai tihvel ngaihdan hi min neihtir mai zel. Biak in hungchhungah kan awm anih chuan kan \awngkam hman pawh fimkhur a ngai a ni.
Biak in chhunga awmdan: Biak in chhung hi a zahawm lehzual a. Worship Programme hman lai ngat phei chuan insumtheihna sang zawk kan mamawh lehzual a ni ti ila kan sawisual awm lo ve. Biak inah kan inkhawm a ni emaw, kan hnatlang a ni emaw pawh ni se kan nungchang hi pawna awm ang mai maia kan awm a thiang lo a, kan tawngkam hman te, kan fiamthu thawhah te pawh fimkhur lehzual hle tur a ni. |halaite hian 'boring' kan ti hma riau maia, inenlet kan ngaihna lai tak pawh a ni awm e. Kohhran serh leh sang hi huau huau thil a ni lo a, engtikah mah a ni dawn lo bawk a, chuvang chuan kan rilru leh ngaihtuahna pawh 'boring' ti ringawt zel lo a kan siamrem thiam a pawimawh. Chumi tur chuan kan programme hmanah rilru leh ngaihtuahna kan pek a ngai a ni.
Bible leh Kristian Hla Bu ken tur: Mizo Kristiante chuan tunhma atang tawhin inkhawmnaa Bible leh KHB ken hi kan lo tih than tawh a ni a, tunhnuah hian keng lo a inkhawm kan ching hle. Thil harsa a ni lem lo a chuvangin ken mai hi a tha. Kan lo tih than tawh thil kan han tih ve hian a mawi a, min ti 'Smart' em em thin bawk a ni. Ken mai hi a tawk lo a, thuchah sawitute Pathian thu chhiar bung leh chang lo keu a, lo en ve zel hi a tha khawp mai. Ngaithla mai lo a lo chhiar pah ve zel hian thinlungah a lut duh zawk emaw a tih theih hial a ni, chumai bakah kan Pathian thu awmkhawmna bu Bible kan bel phah zel bawk a lo ni. Tunlaiah hian Smart Phone a\anga hla en maite, Bible lo en mai te kan ching ta riau, hei hi chu Smart Phone tanga chhuak ni mahse min ti smart lem lo khawp mai. Malzai, Zaipawl kan ni emaw, zai hruaitu kan ni emaw pawh ni se Mobile Phone atanga en loh hi Biak in chhungah chuan tum hram ila ava tha dawn em! Phone a\anga en hian a thlirtu mit pawh a ti kham thin a ni.
Ipte zen pah a fakna hla sak leh kut kuangkuah paha fakna hla sak loh hram ni se. Official Programme reng rengah hian kan zawlpui (Level pui) aia sang bula kan awm chuan awmdan dikin (Correct Posture) kan awm tlangpui. Keini aia lal emaw hmaa kan din chuan ipte kan zen khum ngai lo a, kut kan kuangkuah khum ngai lo. Lei lalte hmaa kan awm pawhin anmahni kan zah zia lantir nan mawi takin kan lang chhuak a, kan ding kawisawi mai mai lo a. Lei lalte ang mai mai ni lo Lei leh Van Lalber hmaah kan ding ani tih hriain fak hla kan sak laite hian duhdah taka awm loh a tha khawp mai.
Tawngtai laia inhruk neuh neuhte, pawnfen siam thatte pawh hi ngaiah kan nei deuh nite hian a lang, a tul fe anih loh chuan chin loh a tha hle ang. Tawngtai hi a pawimawh a, Pathian kan biakpawhna hun a ni a, tihtakzeta tih tur a ni, chumi anih avang chuan kan tawng\aina min ti buai thei lakah pawh kan inthiar fihlim a ngai thin. Inkhawmnaah pawh tawngtai lai anih chuan kan lut ngai lo a, Usher te pawn inkhawm kalte Biak in chhung a lut lo turin an lo ti ding lailawk thin a ni. Tin, tawngtai laiin bawp khawkherh emaw, thutthleng nghenchhan a ban kham zuar pahah thut loh tur a ni.
A tul tawpkhawk anih loh chuan inkhawm laia chhuah hi chin loh a tha. Taksa hriselna a inchen lo a, hrisel lohna avanga zunram thiar ngai hi chu tupawhin hian kan hrethiam in a rinawm a ni. Chuti nilo a inkhawm laia chhuah fo mai hi chu a a mawi lo a, inkhawm boruak ti chhe thei thil a nihna laite pawh a awm a, bula a mite kan ti buai bawk a, chhuah loh hram i tum tlang ang u. Thalai zingah tawngtai laia chhuah ching kan awm, sim nghal hmak chi a ni.
Inkhawm lai kher ni lo Programme hman lai hrim hrim hian pawn lam a awm hi chin loh a tha. Kan insum thei thlawt lo a zial zuk ilo kan ti duh a ni emaw, zunram kan thiar duh anih pawhin tih zawh veleh a chhung lama luh lehnghal mai tur a ni. Pawn a chhuah chhen hi hun hmangtu tan a nuam lo thei a, kan hun hman a ti hlung lo thei bawk a, a chhunga awmlui ve tang tangte tan pawh a nuam lo a ni.
Inkhawm laia bula mite thil hrilhruk sur sur hi thil mawi tak a ni lo. Thil pawimawh a awm anih chuan a hriatthiam awm a, chumi ni lo thil ho lam mai mai sawina hmun a ni lo a, a hun lo em em bawk a ni. Biak in chhungah i dam em tih a in chibai du du loh tur a ni bawk a ni.
>>>Samsung Galaxy Wireless Buds FE (in Ear) (Graphite)|Powerful Active Noise Cancellation | Enriched Bass Sound | Ergonomic Design | 6-21 Hrs Play Time<<<
Inkhawmnaah te, Committee Meeting ah te thutthlengah ke hlan loh tur.
Inkhawm lai a ni emaw Programme hman laia phone lo khawih hi a mawi lo a, chin loh a tha khawp mai. A bik takin inkhawm lai ngat phei hi chuan Phone hi silent a dah a, data off hmak hi a pawi lem lo. Inkhawm lai na na na hi chuan Pathian chibai kan bukna leh fakna hian kan thinlung a luah lian ber tur a ni a. Phone kan lo en a, eng eng emaw kan lo tih hian min ti zahawm loh a, inkhawm boruakah min chen tir thei lo a ni. Kun ngar ngar paha Whatsapp status leh Reels vel lo en mai mai ching kan awm, sim atan a tha khawp mai.
Kan inkhawm chhan hi kan ngaihtuah chian a tul ta viau mai. Thenkhat hi chu mahni duhdan te a Pathian chibai buk kan tum ni hian a ang thin. Inkhawmnaah pawh a hmun kilkhawr leh biru lai, langsar lo zawk laia thut a, zalen deuh taka inkhawm tum kan awm ni te pawh hian a hriat bawk a ni. Thenkhat chuan zahzum vang in heng hmuna thut hi an duh pawh a ni thei, thenkhat erawh mutthluk a rem kan tih vangte, duh dan dan a awm a rem deuh zawk ni a kan hriat vangte a ni thei bawk nite hian a hriat a ni. Thut duhna lai bik neih kher te hi keini thalaite hi chuan i tum lo ang. Mahni duhduhna a thu mai loin Usher te thu zawm a, an thutna min kawhhmuh a thut hram hram hi i tum thar leh theuh ang u.
Biak in chhungah thil ei ching kan awm, sim hmak atan a tha hle. Kan ka a lo rimtui lo deuh a ni pawhin ka tihrimtuina (Mouth Freshner) ei hi a tul ber em tihhi ngaihtuah tham tak a ni. Ei loh mai te pawh hi a mawi zawk awm e.
No comments:
Post a Comment