THANHRAH NGAI - MIPA - Robert C. Lianhmingthanga (07.03.2021)
Mipa hi hmeichhe lu a ni a; Pathianin a siam dan rengah pawh hmeichhia aiin mihring nihphungah chungnung zawk tura duan an ni. Mahse, kan ramah hian mipate hian Pathian min siam dan hi kan hlen zo lo telh telh niin a lang.
>>>Bathla Advance 5-Step Foldable Aluminium Ladder>>>
>>>Bathla Advance 5-Step Foldable Aluminium Ladder>>>
Inchhungkhurah hmeichhia an rin tlak telh telh laiin mipa kan tangkai nep tulh tulh a. Ei bar zawnna kawngah pawh hmeichhia an kawlhrawn tial tial laiin mipa kan kimki tial tial niin a lang a. Mipa tam tak phei chu chhungte thlamuantu ni loin tithlabartu leh phur rit kan ni ta, a pawi hle. Hmeichhe hmasawn zel hi dan ngawt theih a ni lo a, dan chi lah a ni hek lo. Hmeichhe hmasawn zel laia mipa hnungtawlh tlat erawh chu hnam than dan dik lo a ni a, thil pawi tak a thlen thei a ni.
MTKP chhinchhiahna thar bera a lan danin TKP member hi mipa 29,046, hmeichhia 18,213 kan ni.Mipa thi hi 120 an nih laiin hmeichhe thi hi 19 chauh an ni a,a inthlau hle. Electoral roll-ah pawh mipa aiin hmeichhia an tam zawk zel ta mai. Heng hian tun dinhmuna mipa nihna a hril thui hle. Heta tang mai pawh hian mipa hi thanharh kan ngai tih a lang chiang hle a ni.
Thlirna hrang hrang atanga thlirin mipa hi kan hnungtawlh telh telh niin a lang a, hei hi thil pawi tak leh ram leh hnam tan pawha him lo thei hial a ni. Mipa kan hniam tial tial mai hi bengsika ngaihtuah ngai, mut mawh hnar mawha neih ngai a ni tawh.
>>> Unihouse Heavy Duty 6-Step Foldable Ladder<<<>>> Unihouse Heavy Duty 6-Step Foldable Ladder<<<
Mipa hi chhungkua, kohhran, khawtlang leh ram innghahna a ni a. Chu a innghahna chu a rin tlak lo telh telh a nih chuan a hmabak chu tluk chhiat a ni. Chuvang chuan, mipa hian innghahna tlak ni turin insiamthat kan mamawh takzet a ni. Chutih rual chuan, mipa thiam loh ngawr ngawr pawh a ni ngawt bik lo thei. Eng pawh ni se, mipa kan hniam zel chhan hi zawn chhuah a, a tlai luat hmaa insiam that hi a pawimawh hle a ni
No comments:
Post a Comment